കറുത്ത പുകച്ചുരുളുകള്‍ ഒന്നിനുപിറകെ ഒന്നായി
ചങ്ങലവട്ടം തീര്‍ത്തു കരിമ്പടമായി പുതഞ്ഞു നിന്നു
പടിഞ്ഞാരുനിന്നൊരു കാറ്റ് വന്നു
അത് കിഴക്കിനെ കീഴടക്കി
തെക്കും വടക്കും കൊതിച്ചുനിന്നു
ഹ എന്തൊരു കാഴ്ച!
ചിലമ്പി ചിലമ്പി മണികിലുക്കി
താളത്തില്‍ പെയ്യുന്നു നീര്‍മുത്തുകള്‍
കലംബലുകൂടി നീര്ച്ചലുകളായി
തോടായി ... പുഴയായി ....
അങ്ങിനെ...
ഒരു സംസ്കാരമായി ....
.......................................................
കാലം മറഞ്ഞു മറന്നു
പഴയ ശീലങ്ങള്‍ പുതിയതിന് വഴിമാറി
പുഴ നിറം മാറി
ഇരു കരകള്‍ പരസ്പരം പോരടിച്ചു
കബന്ധങ്ങള്‍ ചെഞ്ചായം വിതറി
ഇന്ന് ഇന്നലെയെ മറന്നു
വിഷ വൃക്ഷങ്ങള്‍ പടര്‍ന്നു കാടുപോലെ
വിഷം കലങ്ങിയ പുഴ ജീവന് വേണ്ടി പിടഞ്ഞു
പുഴ മരിക്കുമ്പോള്‍ ...
ഒരു സംസ്കാരം മരിക്കുന്നു ..
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ